समाचार
गजुरी गाउँपालिकाको सार्वजनिक सुनुवाई तथा गजुरी बुलेटिन विमोचन कार्यक्रम सम्पन्न। मिति: २०८० जेठ ७ गते।
धादिङको गजुरी गाउँपालिकाले सार्वजनिक सुनुवाई कार्यक्रम सम्पन्न गरेको छ । गाउँपालिकामा शुसासन,पारदर्शिता र जवाफदेहिता कायम गर्न आ.व. २०७९।०८० को सार्वजनिक सुनुवाई कार्यक्रम सम्पन्न गरेको हो । गजुरी गाउँपालिकाका अध्यक्ष गणेशलाल श्रेष्ठ अध्यक्षतामा भएको कार्यक्रममा सहभागीहरुले गाउँपालिकाका बिकास निर्माण,योजना,स्वास्थ्य, शिक्षा, कृषि लगायतका पालिका बाट भएका सेवा प्रवाह तथा कार्यसम्पादनको बिषयमा प्रश्न तथा जिज्ञासाहरु राखेका थिए । प्रश्न तथा जिज्ञासाहरुलाई गजुरी गाउँपालिकाका प्रमुख प्रशासकीय अधिकृत राजु अधिकारी,उपाध्यक्ष शर्मिला बिसुराल र अध्यक्ष गणेशलाल श्रेष्ठले सम्बोधन गर्नु भएको थियो ।
धादिङ संचार प्रा.ली. को सहजीकरणमा भएको कार्यक्रममा गाउँपालिकाका निर्वाचित जनप्रतिनिधि,राजनैतिक दलका प्रमुख एवम् प्रतिनिधि,संघसस्थाका प्रमुख एवम् प्रतिनिधि,नागरिक अगुवा लगायत गजुरी गाउँपालिका बासीहरूको सकृय सहभागीता रहेको थियो ।गाउँपालिकाले सार्वजनिक सुनुवाईकै अवसर पारेर गाउँपालिका विशेष गजुरी बुलेटिनको बिमोचन समेत गरेको थियो ।